Caket Pisan ti Bandung Barat, Resto ieu Bakal Ngakibatkeun Wargi Terkenang ka Zaman Baheula

Sampurasun Wargi Bandung Barat! Hayu, sakali-kali urang meuntas wates ka tatangga sabeulah. Teu jauh ti Ngamprah, aya tempat dahar nu nuansa Sunda zaman baheula. Upami Wargi urang kota, bakal ngarasa rada anéh upami ningali sawah di tengah kota. Wargi tiasa tuang di saung sareng kulawarga sareng anu dipikacinta. Namina Gedong 55 Resto & Warkop anu perenahna caket RS Dustira, Jl. Sudirman No 55, Baros, Cimahi Tengah. Caket pisan.

Ngamangpaatkeun wangunan warisan ti jaman Walanda, ieu tempat ngajanggélék jadi réstoran nu nuansa Sunda. Pas nepi ka lawang panto, urang bakal disambut ku Akang-akang ganteng anu bakal masihan nomer meja urang. Pas ngaliwatan panto Wargi bakal disambut ku karyawan. Kuring sorangan poho kumaha ngagorowokna, tapi aya kecap "Dibageakeun!!!......". Pokona kitu lah.

Pas lebet, urang langsung tiasa ningali ornamen sapertos jagong sareng béas garing ngagarantung. Sigana mah jagong jeung pare asli. Olahanana digelar jiga dapur nuansa imah Sunda baheula. Aduuhh.....terkenang pisan, euy. Karasa jaman baheula teu eleh ku Warung Klotok Jogja. Deuuh....anu kantos ka Jojga.

Kadaharanan rupa-rupa, nepi ka bingung kudu dahar naon. Sagalana katingali pikabitaeun. Ampir-ampiran eta cimata, eh ciduh ngeclak teu kaampeuh. Aya dua rupa sangu. Sangu bodas jeung sangu liwet. Saatos pesen, mayar langsung milih tempat naha Wargi badé diuk dina méja atanapi lesehan ngampar di saung anu aya di sisi sawah.

Aya naon wae di Gedong 55?. Salian ti tempat anu lega, seueur meja, Gedong 55 dilengkepan ku fasilitas mushola anu bersih, tempat parkir gratis, korsi orok/anak, balong lauk, cai enteh sawuereuna, jamban, wastafel sareng keran anti drama, sareng lilin anti laleur.

Tah ku abdi ngabagikeun peta, alamat sareng poto... Diantos pisan nyaa...

(drd)

Kadaharanan sareng lalawuhna :